نفسى ييجى اليوم الاقى حد بيدافع عن الحقوق المهضومه بتاعة الزمالك من التحكيم الاحمر المغرض..
اللى شفناه من سنين فاتت واللى بنشوفه واللى هنفضل نشوفه فى كل ماتش دورى تحامل على اللعيبه واخراجهم من شعورهم بقرارات غبيه ومتخلفه وعدم حفاظ على سلامتهم واستفزازات وما الى ذلك يدعو الجميع للاستفزاز والتعجب فى نفس الوقت..
كيف يشاهد جميع المسؤلين فى مجلس الادارة هذا الظلم ولا يهدد حتى او يطالب بتعيين حكام محترمين..
على سبيل المثال لا الحصر كعادة الجهاز الفنى للاهلى قبل مبارة المصرى (( الاهلى يعلن غضبه ورفصه لتعيين سمير عثمان حكما للقائه مع المصرى )) على لسان البدرى...>> شفتوا البجاحه ناقص ايه تانى..
فين اعضاء مجلس الاداره فين مدير النادى ايه موقفهم مع الاتحاد وايه موقفهم مع لجنة الحكام اللى عماله تجامل على اخرها من جهه وتخسف الارض من الناحيه التانيه بالزمالك..مش حرام اللى بيحصل ده...والله ما يرضى ربنا ابدا هذا الظلم..
حسبى الله ونعم الوكيل..
دا لو وصل الامر ان النادى يشيل تكلفة حكم اجنبى لكل ماتش هيلعبه الا اننا منشوفش مجهودنا بيضيع قدام عنينا كده كل مره كفايه بقى سكتنا كتير عالتحكيم وشتمنا كتير وكل اللى بيحصل ايقاف الجمهور ...تغريم النادى ..مش عارف ايه والى اخره من القرارات المستفزة..
اذا لم يكن هناك وقفه واضحه فليتقدم النادى بطلبه لحكام اجانب لجميع مباريات الدورى ..
نفسى الاقى قرار زى ده من الاداره ..وبناقص كمان شوية مصاريف..ولك الله يازمالك...ولك الله ياجمهور الزمالك..
وحسبى الله ونعم الوكيل فى المزورين والمرتشيين واصحاب الضمائر الميته..